పాపం దేవుడు

 

పాపం దేవుడు

దేవుడంటే భయం లేదు నాకు...

దేవుడిని సృష్టించిన మనుషులు

దేవుడిని విభజించిన

భక్తులు

వీరంటేనే ఎంతో భయం నాకు....

ఒకడంటాడు

నాదేవుడే గొప్పని

మరొకడంటాడు

నాదేవుడే శక్తిమంతుడని...

కులాలవారిగా

మతాలవారిగా

దేవుడిని పంచేసుకుంటూ

దేశాలకే దేవుడిని

పరిమితం చేసిన

ఈ మహా భక్తులంటేనే

భయం నాకు...

ఉన్నాడో లేడో తిలియదు గానీ

ఉంటే గింటే

మనుషుల పంపకాల మధ్య విలవిలలాడుతున్న

దేవుడంటే

పాపం

ఎంతో సానుభూతి నాకు...